Haye Hussain....x5

Jab aya chand Moharram ka asman pe nazar

To rooh e Fatema Zehra yeh boli ro ro kar

Mere khuda....x4

Mera Hussain ab hain tere hawale

Jab aya chand Moharram ka asman pe nazar

To rooh e Fatema Zehra yeh boli ro ro kar

Mere khuda mera Hussain ab hain tere hawale


Safar me hain mera baccha mere Hussain ki khair

Mere jigar ka hain tukda mere Hussain ki khair

Mashakkaton se hain pala mere Hussain ki khair

Wohi hain mera jiyala mere Hussain ki khair

Mere khuda na lage usko dushmanon ki nazar

Mere khuda ...x2

(Mere khuda mera Hussain ab hain tere hawale)x2


Laeen zadon ne Shabbir ko bulaya hain

Yeh hain woh log jinhone mujhe rulaya hain

Hasan ko aur Ali ko bohot sataya hain

Ameen waqt mere ladle pe aya hain

Rahe balaaon se mehfuz mere ke nafar

Mere khuda...x2

(Mere khuda mera Hussain ab hain tere hawale) x2


Mujhe hain yad abhi tak woh akhri manzar

Vida ke waste aya tha jab mera dilbar

Lipatke qabr se kehta tha mujhe ro ro kar

Duayein dijiye amma ke ja raha hain pisar

Mere khuda mere bacche ko raas aaye safar

Mere khuda....x2

(Mere khuda mera Hussain ab hain tere hawale) x2


Hain saath shahe di ke Qasim o Akbar

Hain chhote bacchon me Baqar Sakina aur Asgar

Tamam kunba hain hamrah aur taweel safar

Kahi hain wadiyon Zehra kahi kahi hain shajar

Lute na jake kisi dasht me Rasul ka ghar

Mere khuda...x2

(Mere khuda mera Hussain ab hain tere hawale) x2


Sukoon hain mujhe Abbas Sheh ke saath me hain

Haram ke parde ka ehsaas Sheh ke saath me hain

Woh faake jism ki ehsaas Sheh ke saath me hain

Hain jisse mujhko badi aas Sheh ke saath me hain

Lage na bazu e Abbas ko kisi ki nazar

Mere khuda ....x2

(Mere khuda mera Hussain ab hain tere hawale )x2


Baqa e deen e Mohammad hain maksad e Shabbir

Hain uske saath har ek lamha Zainab e dilgeer

Luta ke haq me behan bhai apne fir jageer

Dikhayege hume khame khaleel ki tameer

Behan ke samne lekin kate na bhai ka sar

Mere khuda....x2

(Mere khuda mera Hussain ab hain tere hawale) x2


Kaleja Akbar e mehroo ka ched degi sina

Gale pe teer e sitam lege Asgar e nadaan

Diler Aun o Mohammed bhi qatl hoge waha

Jalega aag ke sholo se shahe di ka makan

Mujhe sunana na mabood koi aisi khabar

Mere khuda....x2

(Mere khuda mera Hussain ab hain tere hawale) x2


Suna hain dasvi Moharram ko qatl hoge Hussain

Khayame Ahmad e mursal me hoga shoro shayn

Mujhe lehad me bhala kis tarah se ayega chain

Gareeb Zainab e muztar karegi roke ye bain

Gala hain khushk baradar ka Shimr zibh na kar

Mere khuda.....x2

(Mere khuda mera Hussain ab hain tere hawale) x2


Aseer hoge nabizadiyan khabar hain mujhe

Satayi jayegi shehzadiyan khabar hain mujhe

Chalegi zulm ki har aandhiyan khabar hain mujhe

Lahoo bahayega yeh asman khabar hain mujhe

Main kitne gam karu bardasht kab hain dabe jigar

Mere khuda .....x2

(Mere khuda mera Hussain ab hain tere hawale)x2


Pinhai jayegi Abid ko hathkadi bedi

Rulayi jayegi har gaam ladli sheh ki

Har ek hot pe lipti rahegi tashna labi

Khabar kisi ko na hogi kab unki pyaas bujhi

Game Hussain me dube rahege shams o kamar

Mere khuda......x2

(Mere khuda mera Hussain ab hain tere hawale) x2


Bandhegi Zainab e muztar ke reesmane sitam

Sakina bibi ko tadpayega Hussain ka gam

Har ek zulm o sitam azmayege azlam

Sare Hussain bhi aansu bahayega payham

Behan na dekh sake gi sina pe bhai ka sar

Mere khuda.....x2

(Mere khuda mera Hussain ab hain tere hawale) x2


Azim aur Najaf sunke dastane alam

Zameen se taba falak mehre gam hua aalam

Har ek simt bapa tha Hussain ka matam

Dahade maarke rote the ambiya payham

Jigar ko thamke bole yeh sakiye kausar

Mere khuda....x2

(Mere khuda mera Hussain ab hain tere hawale) x2


Jab aya chand Moharram ka asman pe nazar

To rooh e Fatema Zehra yeh boli ro ro kar

(Mere khuda mera Hussain ab hain tere hawale) x3